Published On: Sat, Mar 16th, 2019

జూనియర్ కాలేజీలకు వేసవి సెలవులు ఖరారు

* జూన్ 2 వరకు సెలువులు ప్రకటించిన ఇంటర్ బోర్డు

* జూన్ 3 నుంచి తరగతులు ప్రారంభం

సెల్ఐటి న్యూస్‌, అమ‌రావ‌తి: రాష్ట్రంలోని అన్ని ప్రభుత్వ, ప్రైవేట్, ఎయిడెడ్ కళాశాలలకు ఈ నెల 29 నుంచి వేసవి సెలవులు అమలు కానునున్నాయి. ఆంధ్రప్రదేశ్‌లోని జూనియర్‌ కాలేజీలకు మార్చి 29 నుంచి వేసవి సెలవులు ఇస్తున్నట్లు ఏపీ ఇంటర్ బోర్డు ప్రకటించింది. మార్చి 29 నుంచి జూన్ 2 వరకు వేసవి సెలవులు ఉంటాయని తెలిపింది. జూన్ 3న కళాశాలలు తిరిగి తెరచుకుంటాయని బోర్డు స్పష్టం చేసింది. రాష్ట్రంలోని అన్ని ప్రభుత్వ, ప్రైవేట్, ఎయిడెడ్ కళాశాలలకు ఈ సెలవులు వర్తించనున్నాయి. సెలవురోజుల్లో తరగతులు నిర్వహించకూడదని.. నిబంధనలకు విరుద్దంగా నిర్వహిస్తే మాత్రం చర్యలు తప్పవని ఇంటర్ బోర్డు అధికారులు హెచ్చరించారు.

ఏపీలో ఏప్రిల్ 12న ఇంటర్ ఫలితాలు?
ఇంటర్మీడియట్‌ పరీక్షల ఫలితాలను ఏప్రిల్‌ 12న విడుదల చేసే అవకాశాలు ఉన్నాయి. ఇప్పటికే సంస్కృతం జవాబు పత్రాల మూల్యాంకనం చేపట్టగా.. అన్ని ప్రశ్నపత్రాల మూల్యాంకనం మార్చి 22లోపు పూర్తయ్యేలా ప్రణాళిక రూపొందించారు. షెడ్యూల్‌ ప్రకారం మూల్యాంకనం పూర్తయితే ఏప్రిల్‌ 12న ఫలితాలు విడుదల చేయడానికి ఇంటర్ బోర్డు సన్నాహాలు చేస్తోంది.

Just In...