Published On: Mon, Jan 20th, 2020

ఫిబ్రవరి 2 నుండి గోవిందరాజస్వామివారి తెప్పోత్సవాలు

తిరుప‌తి, సెల్ఐటి న్యూస్‌: తిరుపతిలోని శ్రీ గోవిందరాజస్వామివారి తెప్పోత్సవాలు ఫిబ్రవరి 2 నుండి 8వ తేదీ వరకు ఏడు రోజుల పాటు వైభవంగా జరగనున్నాయి. ప్రతిరోజూ సాయంత్రం 6.00 నుండి రాత్రి 8.00 గంటల వరకు స్వామివారు దేవేరులతో కలిసి తెప్పపై విహరిస్తూ భక్తులకు దర్శనమివ్వ నున్నారు. అనంతరం ఆలయ నాలుగు మాడ వీధుల్లో ఊరేగి భక్తులను అనుగ్రహిస్తారు. ఫిబ్రవరి 2న శ్రీ కోదండరామస్వామివారు – 5 చుట్లు, ఫిబ్రవరి 3న శ్రీ పార్థసారథిస్వామివారు – 5 చుట్లు, ఫిబ్రవరి 4న శ్రీ కల్యాణ వేంకటేశ్వరస్వామివారు – 5 చుట్లు, ఫిబ్రవరి 5న ఆండాళ్‌ అమ్మవారితో కలిసి శ్రీకృష్ణస్వామివారు – 5 చుట్లు, ఫిబ్రవరి 6, 7, 8వ తేదీల్లో శ్రీ గోవిందరాజ స్వామివారు – 7 చుట్లు. ఈ సందర్భంగా తితిదే హిందూ ధర్మప్రచార పరిషత్‌, అన్నమాచార్య ప్రాజెక్టు ఆధ్వర్యంలో భజనలు, హరికథ, సంగీత కార్యక్రమాలు నిర్వహించనున్నారు.

Just In...