Published On: Tue, Jan 21st, 2020

వికేంద్రీకరణతోనే అభివృద్ధి

* 13 జిల్లాల్లో సమానమైన అభివృద్ధి..

* పరిపాలన వికేంద్రీకరణలో భాగంగా లోకల్‌ జోన్లను ఏర్పాటు

* 4 జిల్లాలకు కలిపి ఒక జోనల్‌ డెవలప్‌మెంట్‌ బోర్డు

* అభివృద్ధి, ఉద్యోగాల్లో ప్రజలు అందరికీ సమాన అవకాశాలు

* ఉత్తరాంధ్ర, రాయలసీమ వెనుకబడి ఉందన్న శ్రీకృష్ణ కమిటీ

13 జిల్లాల్లో సమానమైన అభివృద్ధి జరగాలన్న శివరామకృష్ణన్‌
ప్రత్యేక వాదం రాకుండా ఉండాలంటే సమానమైన అభివృద్ధి జరగాలి
తెలంగాణలాంటి అంశం తెరపైకి రాకుండా ఉండాలంటే.. రాష్ట్రంలో వికేంద్రీకరణ చాలా అవసరమన్న శివరామకృష్ణన్‌
అమరావతిలో చ.మీ కెపాసిటీ 9 మెట్రిక్‌ టన్నులే
ప్రణాళిక మరియు అభివృద్ధి కొరకు స్థానిక జోన్లు
జోనుల ప్రణాళిక, అభివృద్ధి బోర్డు ఏర్పాటు
ఒక ప్రాంతం మాత్రమే కాదు.. అన్నీ సమానంగా అభివృద్ధి చెందాలి
బ్రిటిష్‌ కాలంలో .. రాజరికంలో లేము.. ప్రజాస్వామ్యంలో ఉన్నాము
రాజ్‌మహల్‌, ప్యాలెస్‌లు ప్రజలు కోరుకోవటం లేదు
సాగు-తాగు నీరు కోరుతున్నారు
శ్రీకృష్ణదేవరాయులు ఎందరికో ఆదర్శం
తరతరాలు గడిచినా ఇప్పుటికీ ఆయన్ని స్మరించుకుంటున్నాం
హైదరాబాద్‌ స్టేట్‌ విడిపోయాక విశాలాంధ్ర కోసం డిమాండ్‌
1969లో తెలంగాణ ఉద్యమం
జై ఆంధ్రా ఉద్యమంతో ఆరు సూత్రాల ప్రణాళిక
ఏదో ఒక ప్రాంతంలో ఏదో ఒక ఉద్యమం వస్తోంది
వందేళ్ల చరిత్ర చూస్తే ఉపప్రాంతాల్లో అన్యాయం జరుగుతోందన్న భావన
శాసనసభా వ్యవహారాలు, ఆర్థిక శాఖామంత్రి బుగ్గన రాజేంద్రనాథ్‌

అమ‌రావ‌తి, సెల్ఐటి న్యూస్‌: ఏపీ శాసనసభ సమావేశాలు ప్రారంభమైన తర్వాత పరిపాలన వికేంద్రీకరణ బిల్లును ప్రవేశపెట్టిన శాసనసభా వ్యవహారాలు, ఆర్థిక మంత్రి బుగ్గన రాజేంద్రనాథ్‌ సభలో మాట్లాడారు. ఆంధ్రప్రదేశ్ వికేంద్రీకరణ మరియు అన్ని ప్రాంతాల సమ్మిళత అభివృద్ధి చట్టం 2020 అనేది చాలా చారిత్రాత్మకమైన బిల్లు అని శాసనసభా వ్యవహారాలు, ఆర్థిక శాఖా మంత్రి బుగ్గన రాజేంద్రనాథ్‌ సభలో తెలిపారు. ఈ సందర్భంగా ఆయన మాట్లాడుతూ.. ఇందులో ముఖ్యాంశాలు చూస్తే ప్రధానంగా రెండు కారణాలు చెప్పవచ్చని ఆయన తెలిపారు. 1. పరిపాలన వికేంద్రీకరణ. సమ్మిళత అభివృద్ధి అన్ని ప్రాంతాలను అభివృద్ధి చేసుకోవటానికి అని బుగ్గన తెలిపారు. ఇవి ఏవిధంగా ఎలా చేయాలని ప్రభుత్వం భావిస్తోందన్న దానిపై బుగ్గన వివరించారు. ప్రత్యేకించి జోన్లు ఏర్పాటు చేయటంపై ప్రభుత్వం దృష్టిసారిస్తోందని అన్నారు. 2. పాలన చేసే అధికారాలు.. స్థానాలు వివిధ ప్రాంతాలకు వికేంద్రీకరణ చేయాలని ఆయన తెలిపారు. రాజ్యాంగం ప్రభుత్వాల మీద ఏదైతే బాధ్యత పెట్టిందో.. సమ్మిళత అభివృద్ధి చేయటం కోసం ఈ బిల్లు అని బుగ్గన తెలిపారు.

ప్రణాళిక మరియు అభివృద్ధి కొరకు స్థానిక జోన్లు
జోనుల ప్రణాళిక, అభివృద్ధి బోర్డు ఏర్పాటు
ఈ సందర్భంగా బిల్లులో మూడు ఛాప్టర్స్‌ ఉన్నాయని బుగ్గన అన్నారు. 1. లోకల్‌ జోన్స్‌ ఏర్పాటు చేయటం. ఏదైతే ప్లానింగ్‌ ఉంటుందో పద్ధతిగా, చిత్తశుద్ధిగా చేయటానికి అని వివరించారు. జోనల్ డెవలప్‌మెంట్‌ బోర్డులు.. ప్రత్యేకమైన బోర్డులు ఏర్పాటు చేయటం. మూడు, నాలుగు జిల్లాలకు కలిపి ఒక బోర్డు ఏర్పాటు చేయటం. ఆరోజు పరిస్థితిని బట్టి ఏర్పాటు చేయటం జరుగుతుంది. ఏవైతే బాధ్యతలు ఉంటాయో వాటి ప్లాన్‌లు జాగ్రత్తగా సూపర్‌వైజ్‌ చేస్తూ బోర్డుకు బాధ్యత కలిగిస్తుంది. ప్లాన్‌లు ఏవైతే చేసుకుంటామో జాగ్రత్తగా అమలు చేయటానికి జోనల్‌ డెవలప్‌మెంట్‌ బోర్డు బాధ్యత ఉంటుంది. అభివృద్ధి నత్తనడకన కాకుండా వేగవంతంగా అభివృద్ధి చేయాటినికి ఈ బిల్లు ప్రవేశపెడుతున్నామని బుగ్గన అన్నారు.

జోనుల ప్రణాళిక, అభివృద్ధి బోర్డుల అధికారాలు
పరిపాలనా రాజధానులు ఏర్పాటు
శాసన రాజధానిగా అమరావతి
పరిపాలన రాజధానిగా విశాఖపట్నం
న్యాయ రాజధానిగా కర్నూలు
రెండో చాఫ్టర్‌ గురించి బుగ్గన వివరిస్తూ.. సీట్స్‌ ఆఫ్‌ అడ్మినిస్ట్రేషన్‌.. పరిపాలన ఏదైతే ఉంటుందో.. రాజ్యాంగం ఆర్టికల్38 ప్రకారం సమ్మిళన అభివృద్ధి కోసం మూడు సీట్స్‌ ఆఫ్‌ అడ్మినిస్ట్రేషన్‌ ఏర్పాటు చేస్తున్నామని తెలిపారు. వాటిలో 1. అమరావతి మెట్రోపాలిటిన్‌ రీజన్‌. ఇకపై లెజిస్లేచర్‌ ఫంక్షన్‌ అంతా ఇక్కడ నుంచి జరిపించటానికి ఈ బిల్లు ప్రవేశపెడుతున్నామని బుగ్గన తెలిపారు. ఇకపై లెజిస్లేటివ్‌ కేపిటల్‌గా ఇది నియమించబడుతోందన్నారు. ప్రజాస్వామ్యంలో అతిముఖ్యమైన పిల్లర్‌ లెజిస్లేటివ్‌. చట్టసభల రాజధాని అమరావతి అని ఈ బిల్లు ద్వారా తెలియజేస్తున్నామన్నారు. ఎగ్జిక్యూటివ్‌ ఫంక్షన్ ఏవైతే ఉంటాయో వైజాగ్‌ మెట్రోపాలిటన్‌ రీజన్‌ ద్వారా ఎగ్జిక్యూటివ్‌ కేపిటల్‌గా నియమించబడుతోందని బుగ్గన వివరించారు. మూడోది ఏదైతే ప్రజాస్వామ్యంలో ముఖ్యమైన జ్యుడిషియల్‌ బాధ్యత ఏదైతే ఉందో.. కర్నూలు అర్బన్‌ డెవలప్‌మెంట్‌ ఏరియా ద్వారా అక్కడ స్థాపించాలని ఈ బిల్లు ప్రవేశపెడుతున్నాము అని తెలపారు. దీని ద్వారా హైకోర్టు ఏర్పాటు చేయటానికి కూడా కోర్టు ద్వారా తగిన ఉత్తర్వులు, పర్మిషన్లు పొంది కర్నూలును జ్యుడిషియల్‌ కేపిటల్‌గా నియమించాలని గౌరవనీయులు ముఖ్యమంత్రి గారి ఆదేశాల మేరకు ప్రభుత్వం నిర్ణయించిందని బుగ్గన వివరించారు.
ఏవైతే లెజిస్టేటివ్‌ కేపిటల్‌ అమరావతి, రాజ్‌భవన్‌, సెక్రటేరియట్‌, ఆఫీసులు విశాఖపట్నంలో పెట్టాలని ఈ బిల్లు చెబుతోందని బుగ్గన తెలిపారు. అదేవిధంగా జ్యుడిషియల్‌ ఇనిస్టిట్యూట్స్‌ ఏవైతే ఉన్నాయో.. అవన్నీ కర్నూలు నుంచి అని ఈ బిల్లు ప్రతిపాదిస్తోందన్నారు. ఆ తర్వాత హైకోర్టు ఆఫ్‌ ఆంధ్రప్రదేశ్ నుంచి ఉత్తర్వులు పొందాక అన్ని రకాలుగా రూల్స్‌ పాటించాక ప్రిన్సిపల్‌ సీట్‌ జడ్జిస్‌ హైకోర్టు కర్నూలులో ఏర్పాటు చేయాలని ఈ బిల్లు ప్రతిపాదిస్తోందన్నారు. ఇదిగాక జోనల్‌కు, జోనల్‌ బోర్డుకు సంబంధించి ఆర్థిక శక్తి అవసరమో.. రూల్స్‌ చేసుకోవటానికి, అమలుపరచటానికి ఇబ్బందులు కలిగితే 10వ పాయింట్‌లో ఉందని బుగ్గన వివరించారు.

ఇది చారిత్రాత్మక బిల్లు
ఒక ప్రాంతం మాత్రమే కాదు.. అన్నీ సమానంగా అభివృద్ధి చెందాలి
బ్రిటిష్‌ కాలంలో .. రాజరికంలో లేము.. ప్రజాస్వామ్యంలో ఉన్నాము
రాజ్‌మహల్‌, ప్యాలెస్‌లు ప్రజలు కోరుకోవటం లేదు
సాగు-తాగు నీరు కోరుతున్నారు
ఈ చారిత్రాత్మక బిల్లు సభలో ఆమోదం అడుగుతున్నామని బుగ్గన రాజేంద్రనాథ్ కోరారు. ఎంత ముఖ్యమైనది అంటే.. చరిత్ర చూడాలి. మనం గమనిస్తే పరిపాలన అనేది ప్రజాస్వామ్యం, నియంతృత్వ పాలన, దుష్పరిపాలన. మనం ప్రజాస్వామ్యంలో ఉన్నాం. కాబట్టి.. పరిపాలన ఏ విధంగా జరుగుతుంది. వికేంద్రీకరణ ఎంత అవసరం అనే దానికి ప్రాచీన ప్రపంచం ఒక్కసారి చూస్తే సామ్రాజ్యాల కింద రాజ్యాలు, రాజ్యాల కింద ప్రాంతాలు ఉండేవి. ఈ విధంగా ఎందుకు ఏర్పాటు చేసుకున్నారంటే ఒక ట్రయాంగిల్‌, పిరమిడ్‌ మాదిరిగా జరగాల్సి ఉంది. పై నుంచి కిందవరకు విస్తరించాల్సి ఉంది. బ్రిటీష్‌ పాలన చూస్తే.. అప్పట్లో సామాజ్ర్యం ఉండేదని అందులోనూ సామాజ్రం తర్వాత కాలనీ ఆతర్వాత చూసుకుంటూ వస్తే.. ఒకదాని తర్వాత ఒకటిగా వేర్వేరు ప్రాంతాలు ఉండేవని అలా డిస్ట్రిక్‌ వంటివి ఉండేవని బుగ్గన వివరించారు. వికేంద్రీకరణ ఎందుకు అవసరం అంటే రెండు, మూడు వందల సంవత్సరాలు చూస్తే తప్ప మనకు కనబడదు. ఒక ప్రాంతంలో పన్ను వసూలు అయ్యేది. ఖర్చు వేరే చోటకి వెళ్లేది. భారతదేశంలో వసూలైన పన్ను లండన్‌కు వెళ్లేది. మొట్టమొదటి నుంచి పన్ను ఎవరైతే కడుతున్నారో.. వారికి న్యాయం చేయాల్సి ఉంది. చివరకు న్యాయం కోసం తిరగబడే పరిస్థితులు వచ్చాయి. ఇక్కడ పన్నులతో బ్రిటన్‌, యూరప్‌లో పెద్దపెద్ద రాజ్‌మహల్‌ కట్టారు. భారతదేశ ప్రజలు మాకు రాజ్‌మహల్‌ అవసరం లేదు. మా పొలాలకు నీళ్లు కావాలి. వర్షం లేకపోతే చెరువులు నీళ్లు పెట్టుకోవాలి. ఆ నీళ్ల ద్వారా మేం పంట పండించుకోవాలి. మూడుపూటలా మా కుటుంబాలతో పాటు భోజనం చేయాలి అంతేతప్ప రాజ్‌మహల్‌ అడగటం లేదని ఆనాటి ప్రజలు చెప్పారని బుగ్గన గుర్తు చేశారు.

శ్రీకృష్ణదేవరాయులు ఎందరికో ఆదర్శం
తరతరాలు గడిచినా ఇప్పుటికీ ఆయన్ని స్మరించుకుంటున్నాం
ఈరోజు పెద్ద పెద్ద నగరాల నిర్మాణం చూస్తే అది రెండు మూడు వందల రాజరిక పాలనలో జరిగింది తప్ప ఈ మధ్య జరగలేదని గుర్తు చేస్తున్నా. మంచి పరిపాలన ఇచ్చిన వారిని చరిత్రలో నిలబడి గుర్తుపెట్టుకుంటున్నాము. ఈ దేశాన్ని చాలా మంది రాజులు ఏలారు. చాలా తక్కువ మందిని మాత్రమే గుర్తు పెట్టుకుంటున్నాం. అలాంటి వారిలో శ్రీకృష్ణదేవరాయులు ఒక ఉదాహరణ. శ్రీకృష్ణదేవరాయులు గురించి చెప్పుకునే ముందు ఒక్కసారి రాజస్థాన్‌ వెళ్లి చూస్తే రాజ్యానికో పెద్ద పెద్ద కోటలు ఉన్నాయి. కానీ, శ్రీకృష్ణదేవరాయలు విజయనగర సామ్రాజ్యం దాదాపు 350 ఏళ్లు రాజ్యం ఏలినా కూడా ఎక్కడ మనకు పెద్ద ప్యాలెస్‌ కనబడదు. ఈ రోజు ఆంధ్రరాష్ట్రంలో, కర్నాటక, తమిళనాడులో ప్రతి చెరువు విజయనగర సామ్రాజ్యంలో నిర్మించబడింది. ప్రజలు కోరుకునేది మనకు కావాల్సిన వసతులు, మనల్నిజాగ్రత్తగా చూసుకోవాలి. సేఫ్టీ ఉండాలి. సెక్యూరిటీ ఉండాలి కోరుకున్నారు తప్ప రాజభవనాలు కావాలని ఎవ్వరూ కోరుకోలేదు. స్వాతంత్ర్యం వచ్చాక మనం ఫెడరల్‌ స్ట్రక్చర్‌లో ఉన్నాము. ఫెడరల్‌ స్ట్రక్చర్‌లో కేంద్రానికి కొన్ని బాధ్యతలు, రాష్ట్రానికి కొన్ని బాధ్యతలు ఉన్నాయి. రెండింటికీ కలిసి కొన్ని బాధ్యతలు ఉన్నాయి. అందువల్లే సెంట్రల్‌ లిస్ట్‌, స్టేట్‌ లిస్ట్‌, ఉమ్మడి బాధ్యతలు అనేవి వచ్చాయి. ఇప్పుడు కూడా పన్ను వసూలు విధానం చూస్తే ఆదాయం బట్టి పన్నులు బట్టి ఉంటుంది. రాష్ట్రానికి కొన్ని పనులు సొంత చేసుకునే అవకాశం, అధికారాలు ఉంది. రాష్ట్రాల్లో వచ్చే వాటిలో ట్యాక్స్‌ ఇన్‌కం, నాన్‌ టాక్స్‌ రెవిన్యూ ఉంటుంది. అదేవిధంగా కేంద్రానికి కూడా కొన్ని హక్కులు ఉంటాయి. జీఎస్టీ ద్వారా కేంద్రానికి వచ్చే ఆదాయం కొంతమేర దేశానికి సంబంధించి డిఫెన్స్‌ తదితరాలకు ఖర్చు పెడతారు. కొంత రాష్ట్రాలకు కేంద్రం ద్వారా, కొంత నేరుగా డబ్బులు ఇస్తారు. ప్రతి రాష్ట్రానికి దేశంలో ఏపన్ను అయితే పోతుందో.. అందులో సమానమైన భాగం ఉండాలని పన్ను విధానం ప్రవేశపెట్టారని రాజ్యాంగంలో పొందుపరిచారని అర్థం చేసుకోవాలి. రెవిన్యూలు వచ్చాక వికేంద్రీకరణ ద్వారా ప్రతి ఒక్కరికి, సామాన్యుడుకు పన్నులో భాగం రావాలని రాజ్యాంగం ఇలా రచించింది. చరిత్రలో స్వాతంత్ర్యం రాక ముందు నుంచి స్వాతంత్ర్యం వచ్చినప్పటి నుంచి ప్రతి ప్రాంతం తమను పరిపాలనలో సమాన అవకాశాలు ఇవ్వాలని, మాకు అభివృద్ధి ఇవ్వాలని, పాలనలో భాగస్వాములుగా పెట్టుకోవాలని ఉద్యోగాల విషయంలో సమానమైన అవకాశాలు ఉండాలని స్వాతంత్ర్యం ముందు, తర్వాత మనం గమనిస్తున్నాము.

మన రాష్ట్ర చరిత్ర మనమే చూసుకుంటే..1910లో ఆంధ్రులు పరిపాలించుకోవటానికి కోరిక కనబడింది. పెద్దలు అందరూ కలిసి ఆంధ్రమహాసభలు పెట్టారు. వాస్తవానికి, ఆంధ్రా, తెలుగులో మొదట ఆంధ్ర అనేపదం వచ్చింది. తెలుగు మాట్లాడటం ద్వారా అందరం కలిసి ఉన్నాం. మద్రాస్‌ ప్రెసిడెన్సీలో తెలుగు ప్రాంతం అంతా ముందుకు వచ్చి.. జిల్లా స్థాయి పోస్టులు ఆంధ్రప్రాంతంలోనివి మాకే కావాలని ఉద్యమించారు. ఆరోజు ఎక్కువ స్కూల్స్‌లో మా ప్రాంతం వారే ఉండాలని తెలుగువారు ఉద్యమించారు. 1912లో ఆంధ్రులకు ప్రత్యేక ప్రాంతం ఉండాలని మద్రాస్‌లో ఉండకూడదని నిర్ణయించుకున్నారు. సబ్‌ నేషనలిజం అనేది కూడా స్టార్ట్‌ అయిందని బుగ్గన తెలిపారు. వివిధ ప్రాంతాలు ఉత్తర కోస్తా, కోస్టల్‌ ఆంధ్రా, రాయలసీమ ప్రాంతం అనుకోండి.. వారంతా మమ్మల్ని ఏవిధంగా మా హక్కుల్ని కాపాడతారని 1934లో రాయలసీమ మహాసభ అనేది ఏర్పాటు చేసుకున్నారు. ఈలోపు 1934లో ఆంధ్ర మహాసభ సిల్వర్‌ జూబ్లీ సెలబ్రేషన్స్ సందర్భంగా రాయలసీమ వారిని కలుపుకొని మనం అంతా మద్రాస్‌ ప్రావిన్స్‌ నుంచి ప్రత్యేక ప్రాంతం తీసుకోవాలని నిర్ణయించారు.

తెలుగు రాష్ట్ర ఏర్పాటులో శ్రీభాగ్‌ ఒంబడిక కీలకం
శ్రీ కాశీనాథన్‌ నాగేశ్వరరావు ఇంట్లో పెద్దమనుషుల ఒప్పందం
రాయలసీమలో పరిపాలనా ఆఫీసులు, గుంటూరులో హైకోర్టు అని ఒప్పందం చేసుకున్నారు
ఆరోజు ముఖ్యమైన ఘటన శ్రీ భాగ్‌ ఒడంబడిక. 16 నవంబర్‌ 1937లో శ్రీ కాశీనాథన్‌ నాగేశ్వరరావు ఇంట్లో పెద్దమనుషులు అందరూ (స్వాతంత్ర్య సమరయోథులు) కూర్చొని మాట్లాడారు. చరిత్రలో మనం ఎక్కడ నుంచి వచ్చామో చూసుకుంటే.. చాలా ముఖ్యమైన విషయం. యూనివర్శిటీల విషయంలో విశాఖలో ఒకటి ఉండాలి. అనంతపురంలో ఒకటి ఉండాలని నిర్ణయించారు. నీటిపారుదల విషయంలో రాయలసీమ చాలా వెనుకబడిన ప్రాంతం. వాతావరణ పరిస్థితి అలా ఉంది. రాయలసీమ సెంటర్‌లో ఉంది కాబట్టి వెనకబడిన ప్రాంతం. పది సంవత్సరాల పాటు కృష్ణా, తుంగభద్రా, పెన్నా నదులపై నిర్మించే నిర్మాణం అంతా రాయలసీమ, నెల్లూరుకు ఉపయోగపడేలా చేయాలని నిర్ణయించారు. అలాగే 1937లోనే జ్యుడిషియరీ, ఎగ్జిక్యూటివ్‌ మీద కూడా వికేంద్రీకరణ అవసరం అన్నారు. రాష్ట్ర చరిత్రలో ఫౌండేషన్‌ స్టోన్‌ వేసుకోవాలంటే శ్రీ భాగ్‌ ఒప్పందం అనవచ్చు. ఆరోజు పరిపాలనకు సంబంధించిన కార్యాలయాలు రాయలసీమలో, కోర్టు గుంటూరులో ఉండాలని అన్నారు. ఫస్ట్‌ ఛాయిస్‌ రాయలసీమకు ఇవ్వాలని శ్రీభాగ్‌ ఒప్పందంలో రాసుకున్నారు. ఎంతో మంది అలుపెరుగని పోరాటం చేయటం, పొట్టిశ్రీరాముల త్యాగం వల్ల రాష్ట్రం ఏర్పడిందని బుగ్గన రాజేంద్రనాథ్ గుర్తు చేశారు. హైదరాబాద్‌ నిజాం పాలనలో ఉంది. చరిత్రలో మనకు తెలియని విషయాలు కూడా తెల్సుకుంటున్నాం. 1920ల్లో నిజాం ప్రాంతంలోని హైదరాబాద్‌లో పెట్టిన సభకు ఆంధ్రమహాసభ అని పెట్టారు. ఆంధ్ర అనే పదం తెలుగు వారికి సంబంధించినదని బుగ్గన తెలియజేశారు.

హైదరాబాద్‌ స్టేట్‌ విడిపోయాక విశాలాంధ్ర కోసం డిమాండ్‌
1969లో తెలంగాణ ఉద్యమం
జై ఆంధ్రా ఉద్యమంతో ఆరు సూత్రాల ప్రణాళిక
ఏదో ఒక ప్రాంతంలో ఏదో ఒక ఉద్యమం వస్తోంది
వందేళ్ల చరిత్ర చూస్తే ఉపప్రాంతాల్లో అన్యాయం జరుగుతోందన్న భావన
స్వాతంత్ర్యం వచ్చాక హైదరాబాద్ స్టేట్‌ కూడా స్వాతంత్ర్యం వచ్చింది. అప్పుడు హైదరాబాద్ స్టేట్‌ అన్నారు. విశాలాంధ్ర అనే డిమాండ్‌ వచ్చింది. స్టేట్‌ రీఆర్గనైజేషన్‌ కమీషన్ ఆనాటి ప్రధాని జవహర్‌లాల్‌ నెహ్రూ వేశారు. వెనుకబడిన ప్రాంతాలకు ఇరు ప్రాంతాల పెద్దమనుషులు కూర్చొని జెంటిల్మెన్‌ అగ్రిమెంట్‌ చేసుకున్నారు. రీజనల్‌ కౌన్సిల్‌ వేయాలి. తెలంగాణ ప్రాంతం నుంచి వచ్చే ఆదాయం అది ఆంధ్ర ప్రాంతం నుంచి వచ్చే ఆదాయం చూసుకున్నాక మిగులు భాగం తెలంగాణపై ఖర్చు పెట్టుకోవాలని రాసుకున్నారు. ఒకవేళ ముఖ్యమంత్రి ఈ ప్రాంతానికి వస్తే.. ఉపముఖ్యమంత్రి తెలంగాణ నుంచి ఉండాలని.. హోం, ఫైనాన్స్‌ పోర్టు పోలియోలు రెండు ప్రాంతాలు పంచుకోవాలని, ఆంధ్ర, తెలంగాణకు సంబంధించి చదువు, ఉద్యోగాలు,టెక్నికల్ సంబంధించి 14 అంశాలపై జెంటిల్మెన్‌ ఒప్పందం చేసుకున్నారు. తర్వాత ఆంధ్రప్రదేశ్‌ అయింది. 1969లో తెలంగాణ ఉద్యమం స్టార్ట్‌ అయింది. ఇవన్నీ నేను ఎందుకు చెబుతున్నానంటే.. 100 సంవత్సరాల చరిత్ర చూస్తే ఆ ప్రాంతంలోని ఉప ప్రాంతాలు మా పరిస్థితి ఏంటని డిమాండ్లు ఉంటున్నాయి. 1969లో ముల్కీ విధానాలు వచ్చాయి. తెలంగాణ ఉద్యమంలో 8 పాయింట్‌ ఫార్ములా తెచ్చారు. అనేక విషయాలపై 8 పాయింట్‌ ఫార్ములా వచ్చింది. జై ఆంధ్ర ఉద్యమం రావటంతో 6 పాయింట్‌ ఫార్ములా తెచ్చారు. రీజనల్‌ కౌన్సిల్‌ అవసరం లేకుండా జోన్లు తెచ్చారు. పది, ఇరవై సంవత్సరాలకోసారి ఉద్యమిస్తున్నారు. అసమానతలను సమానత్వం చేయమని కోరుతున్నారు. 1910 నుంచి గమనిస్తే ఆంధ్ర మాట్లాడే ప్రాంతాలు విడివిడిగా ఉన్నాయి. ఇవన్నీ కలిసి ఉండటానికి కారణం తల్లిలాంటి తెలుగు భాష మనల్ని కలిపి పెట్టింది. ఇవన్నీ సమానంగా మనం సంతృప్తి పరిస్తేనే పాలన చేసినట్లు కాబట్టి ప్రభుత్వం ఇంత మంచి ఆలోచనకు వచ్చిందని బుగ్గన వివరించారు.

తెలంగాణ కంటే ఉత్తరాంధ్ర, రాయలసీమ వెనుకబడి ఉందన్న శ్రీకృష్ణ కమిటీ
అభివృద్ధి, ఉద్యోగాల్లో సమాన అవకాశాలు రావాలని ప్రజలు కోరుతున్నారు. ఇది వికేంద్రీకరణతోనే సాధ్యపడుతుంది. అందరినీ సమానంగా చూడాల్సిన బాధ్యత మనపై ఉంది. శ్రీకృష్ణ కమిటీ కూడా ఉత్తరాంధ్ర, రాయలసీమ వెనుకబడి ఉన్నట్లు చెప్పింది.’ అని బుగ్గన అన్నారు.

భారీ నగరం కట్టొద్దు అన్న శివరామకృష్ణన్‌
శివరామకృష్ణన్‌ కమిటీ రాష్ట్రంలో 13 జిల్లాల్లో సమానమైన అభివృద్ధి జరగాలని సూచించింది. ప్రత్యేక వాదం రాకుండా ఉండాలంటే సమానమైన అభివృద్ధి జరగాలని పేర్కొంది. రాష్ట్రంలో ఎక్కడా పెద్ద నగరం నిర్మించవద్దని కూడా సూచిన చేవారని బుగ్గన తెలిపారు. దానికి బదులు పరిపాలన వికేంద్రీకరణ మేలని కమిటీ పేర్కొంది. గుంటూరు, కృష్ణా, గోదావరి జిల్లాలు దేశానికే ధాన్యాగారమని చెప్పారని అన్నారు. ఏదైనా వ్యవసాయానికి సంబంధించిన భూమిని మార్చవద్దని రియల్‌ ఎస్టేట్‌ ఆపరేటర్లకు అవకాశం ఇచ్చినట్లు అవుతుందని తెలిపారన్నారు. జియోలాజికల్‌ సర్వే ఆఫ్‌ ఇండియా కూడా పెద్దపెద్ద కట్టడాలకు వెళ్లవద్దని చెప్పిందని బుగ్గన తెలిపారు. మూడు ప్రాంతాలను విడివిడిగా ప్రత్యేకంగా అభివృద్ధి చేసుకోవాలని శివరామకృష్ణన్‌ చెప్పారు. ఏపీ రాజధాని మూడు బాధ్యతలు నిర్వహించాల్సి ఉంది. ఒకటి పరిపాలన, రెండోది రాజకీయం, మూడోది ఆర్థికంగా బాధ్యతలు నిర్వహించాలని శివరామకృష్ణన్‌ చెప్పారు. మరోసారి తెలంగాణలాంటి అంశం తెరపైకి రాకుండా ఉండాలంటే… రాష్ట్రంలో వికేంద్రీకరణ చాలా అవసరమని శివరామకృష్ణన్‌ కమిటీ స్పష్టం చేసిందని బుగ్గన తెలిపారు.

అమరావతిలో చ.మీ కెపాసిటీ 9 మెట్రిక్‌ టన్నులే
ఈ ప్రాంతం భూమి గురించి చాలా చక్కగా రిపోర్ట్‌ ఇచ్చారని ఈ భూమిని వేస్ట్‌ చేయవద్దని చెప్పారు. బాధ్యతగల వారు ఈ ప్రాంతం నిర్మాణాలకు బావుందని చెబుతున్నారని బుగ్గన మండిపడ్డారు. సత్యదూరమైన మాటలు చెబుతున్నారు. హైదరాబాద్‌కు చ.మీ 30 మెట్రిక్ టన్నుల కెపాసిటీ ఉంటే.. చెన్నైకు చ.మీ 12-15 మెట్రిక్ టన్నులు, బెంగలూరు చ.మీ 25-30 మెట్రిక్‌ టన్నుల కెపాసిటీ ఉంటే ఈ అమరావతి ప్రాంతానికి కేవలం చ.మీ 9 మెట్రిక్‌ టన్నులు మాత్రమే. హైదరాబాద్ చ.మీ. 30 మెట్రిక్‌ టన్నులు భరాయించగలదు. శివరామకృష్ణన్‌ అనేది కేంద్రం మంచి స్థలం సూచించమని చెప్పింది. వ్యవసాయ భూములకు ఇబ్బందిలేకుండా ఉండమని సూచించింది. ఈ ప్రాంతంలో లక్షలాది మంది వ్యవసాయ మీద ఆధారపడి కూలీలు ఉన్నారు. వ్యవసాయం ఇంత ఆదాయం వస్తున్న ప్రాంతం దేశంలో మరొకటి లేదని శివరామకృష్ణన్‌ అన్న సంగతిని బుగ్గన గుర్తు చేశారు.

Just In...