Published On: Sat, Jan 16th, 2021

వైభ‌వంగా గోపూజ మ‌హోత్స‌వం…

* తితిదే కామ‌ధేను పూజ‌కు హాజ‌రైన సీఎం జ‌గ‌న్

న‌ర‌స‌రావుపేట‌(గుంటూరు జిల్లా), సెల్ఐటి న్యూస్‌: వేద‌పండితులు, అర్చ‌కుల మంత్రోచ్ఛార‌ణ న‌డుమ గుంటూరు జిల్లా నరసరావుపేట మున్సిపల్ స్టేడియంలో తిరుమ‌ల తిరుప‌తి దేవ‌స్థానం ఆధ్వ‌ర్యంలో శుక్ర‌వారం తలపెట్టిన కామ‌ధేను పూజ‌(గోపూజ) మహోత్సవం వైభ‌వంగా జ‌రిగింది. కార్య‌క్ర‌మానికి ముఖ్య అతిథిగా రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి పాల్గొన్నారు. శుక్ర‌వారం తాడేపల్లి తన నివాసం నుంచి బయలుదేరి.. ఉదయం 11.30 సమయంలో నరసరావుపేటకు చేరుకున్న సీఎం వైఎస్‌ జగన్‌.. తొలుత మున్సిపల్‌ స్టేడియంలో వివిధ స్టాళ్లను పరిశీలించారు. అనంతరం గోపూజ మహోత్సవంలో పాల్గొన్నారు. ఈ కార్యక్రమానికి మంత్రులు వెల్లంపల్లి శ్రీనివాస్‌, చెరుకువాడ శ్రీరంగనాథరాజు, మేకతోటి సుచరిత, టీటీడీ ఛైర్మన్‌ వైవీ సుబ్బారెడ్డి, పలువురు ఎంపీలు, ఎమ్మెల్యేలు పెద్ద సంఖ‌‌లో హాజరయ్యారు. రాష్ట్ర వ్యాప్తంగా టీటీడీ, దేవాదాయశాఖ ఆధ్వర్యంలో కనుమ పండుగ రోజున సంప్రదాయబద్ధంగా 2,147 ఆలయాల్లో గోపూజ కార్యక్రమం నిర్వహిస్తున్నారు. గోమాత, గో ఉత్పత్తుల గొప్పతనంపై భక్తులకు తెలియజేస్తూ ఆలయాల్లో పోస్టర్లు, బ్యానర్లు ఏర్పాట్లు చేశారు. ‘ఒక గోవులో 33 కోట్ల దేవతలు ఉంటారనేది ప్రతీతని, గోవును పూజిస్తే ఆ దేవతల కరుణా కటాక్షాలూ లభిస్తాయని’ గోపూజ మహోత్సవ విశిష్టత గురించి నరసరావుపేట ఇస్కాన్‌ టెంపుల్‌ కార్య నిర్వాహకుడు వైష్ణవ కృష్ణదాస్‌ వివరించారు. ప్రతి ఇంట్లో గోవులను పూజించాలన్నది సీఎం వైఎస్‌ జగన్‌ ఆచరించి చూపిస్తున్నారని ఆయన కొనియాడారు. త‌న‌కు గోమాత వంద‌నం చేస్తున్న స‌మ‌యంలో బారికేడ్ గోమాత‌కు త‌గ‌ల‌కుండా సీఎం జ‌గ‌న్ చేయి అడ్డు పెట్టి న‌మ‌స్కారం స్వీక‌రించ‌డం అంద‌రినీ ఆశ్ఛ‌ర్య‌ప‌ర్చింది.

Just In...